តាំង ឡៃហៀង: តំបន់ទេសចរណ៍ក្នុងប្រទេសកម្ពុជា

សូមស្វាគមន៍មកកាន់គេហទំព័រយើងខ្ញុំ យើងខ្ញុំមានព័ត៌មានជាច្រើនសម្រាប់លោកអ្នក ព្រមទាំងគំនិតជាច្រើនថ្មីៗថែមទៀតផង... លោកអ្នកអាចទំនាក់ទំនងយើងខ្ញុំបានតាមរយៈ Email : tanglaiheang168@gmail.com Facebook : tang laiheang សូមអរគុណ...

Showing posts with label តំបន់ទេសចរណ៍ក្នុងប្រទេសកម្ពុជា. Show all posts

Monday, June 24, 2013

អាថ៌កំបាំងអច្ឆរិយៈ នៃរចនាបថ ប្រាសាទតោ៦ នាគ៨ និង បិសាច២ ដ៏វែងជាងគេ ប្រាសាទនគរបាជ័យ

ប្រាសាទនគរបាជ័យ ជាសំណង់ប្រាសាទ ដែលវែងជាងគេទី១ មានប្រវែង ៤១២ម៉ែត្រ និង
បន្ទាត់ផ្ចិត ៣៧១ម៉ែត្រ ដែលមានទីតាំងស្ថិតនៅក្នុងខេត្តកំពង់ចាម។
កន្លែងភាគច្រើននៃសំណង់ប្រាសាទ ត្រូវបានបំផ្លិចបំផ្លាញ។ នៅក្នុងនោះអ្នកនឹងបានឃើញ
រចនាប័ទ្មដូចជា តោ៦ នាគ៨ និង បិសាច២ ដែលជាសំណង់ដែលវែងជាងគេទី២ មានរចនា
ប័ទ្មស្ថាបត្យកម្មដ៏ស្រស់ស្អាតដោយមានរូបសំណាកតេជោដំដិន បិសាចពីរដែលមានកម្ពស់
១.៦ម៉ែត្រ និង ទម្ងន់២ផោន។

សំណង់ដ៏សំខាន់ដែលវែងជាងគេបំផុតទី៣ ដែលអ្នកទេសចរណ៍ នឹងឃើញនូវរូបសំណាក់
ព្រះនរាយណ៍ ដៃប្រាំបីនៅជិតខ្លោងទ្វារនោះ។ រូបព្រះនរាយណ៍ដៃបួន គឺនៅខាងឆ្វេង នៃ
ប្រាសាទនគរបាជ័យ ខេត្តកំពង់ចាម។ ចុងក្រោយគេ គឺប្រាសាទដែលវែងជាងគេទី៤ ដែល
ធ្វើពីថ្មបាយក្រៀម អាចទៅបានតាមរយៈទិសទាំង១២។ នៅកណ្តាលសំណង់នោះ អ្នកនឹង
ឃើញមាន កំពូលដ៏ខ្ពស់ដែលធ្វើពីថ្មភក់ ជាមួយនឹងរូបសំណាក់ព្រះពុទ្ធដ៏ប្រណិត៕

សូមទស្សនា រូបភាព ខាងក្រោម!!!

ប្រភព http://www.camnews.com.kh

Thursday, June 20, 2013

អាថ៍កំបាំងនៃប្រាង្គប្រាសាទបុរាណ ដ៏មានតំលៃ នៅដើម សតវត្សរ៍ទី១០ ប្រាសាទក្រវ៉ាន់

ប្រាសាទក្រវ៉ាន់ ជាប្រាង្គប្រាសាទបុរាណមួយ ត្រូវបានកសាងដោយព្រះបាទហសោវរ្ម័នទី១
នៅដើមសតវត្សរ៍ទី១០ ដើម្បីឧទ្ទិសដល់សាសនាឥណ្ឌូ ដែលមានទីតាំងស្ថិតនៅក្នុងខេត្ត
សៀមរាប។
បច្ចុប្បន្នប្រាសាទ ក្រវ៉ាន់បានប្រែក្លាយទៅជាតំបន់ទេសចរណ៍ប្រវត្តិសាស្រ្តបុរាណវត្ថុដ៏មាន
តំលៃ ជាមួយនឹងរចនាបថនៃប្រាសាទ និង រូបចម្លាក់លើប្រាសាទ ដ៏ល្អប្រណិត ដែលបាន
ទាក់ទាញភ្ញៀវទេសចរណ៍មកពីជុំវិញពិភពលោក មកទស្សនា និងស្វែងយល់ពីប្រវត្តិនៃការ
កកើតប្រាសាទដ៏អស្ចារ្យមួយនេះ នៅលើទឹកដីនៃព្រះរាជាណាចក្រអច្ឆរិយកម្ពុជា៕
សូមទស្សនា រូបភាព ខាងក្រោម!!!

ប្រភព http://www.camnews.com.kh

Sunday, June 16, 2013

ក្រុមអ្នកស្រាវជ្រាវរកឃើញទីតាំងអតីតរាជវាំងបុរាណនៅភ្នំគូលែន

រណ្ដៅ កំណាយដែលអង្គការមូលនិធិអភិវឌ្ឍន៍បូរាណវិទ្យា (ADF) បានជីកដើម្បីស្រាវជ្រាវ នៅជិតភូមិអន្លង់ធំ លើខ្នងភ្នំគូលែន ខេត្តសៀមរាប កាលពីថ្ងៃទី៥ កុម្ភៈ ឆ្នាំ២០១៣។ RFA/Hang Savyouth

មន្ត្រីអាជ្ញាធរអប្សរាទទួល បន្ទុកការពារប្រាសាទបូរាណ និងក្រុមអ្នកធ្វើកំណាយបូរាណវិទ្យាបានអះអាងស្របគ្នាថា គេទើបតែរកឃើញទីតាំងអតីតព្រះបរមរាជវាំងសម័យបូរាណនៃរាជធានី មហិន្ទ្របព៌ត ដែលមានអាយុកាលជាង ១២០០ឆ្នាំហើយ។ ទីតាំងអតីតរាជវាំងបូរាណនោះ នៅកប់ក្រោមដី ដោយមានព្រៃក្រាស់ដុះគ្របនៅលើខ្នងភ្នំគូលែន។

អគ្គនាយកអាជ្ញាធរអប្សរា គឺលោក ប៊ុន ណារិទ្ធិ។ លោកបានមានប្រសាសន៍នៅរសៀលថ្ងៃអាទិត្យ ទី១៦ ខែមិថុនា ថា កាលពី ៤-៥ខែមុន ក្រុមអ្នកបូរាណវិទ្យាមកពីស្ថាប័នប្រមាណ ៧-៨ ដែលធ្លាប់ស្រាវជ្រាវនៅតំបន់អង្គរ បានសហការគ្នាចូលវិភាគទានជាមួយអាជ្ញាធរអប្សរា ហើយបានជួលក្រុមហ៊ុនបរទេសមួយដែលមានជំនាញខាងថតពីលើអាកាស ឱ្យធ្វើការថតយកទិន្នន័យនៅក្រោមដីទៅលើតំបន់ប្រាសាទបូរាណចំនួន ៣កន្លែង គឺនៅតំបន់អង្គរមួយកន្លែង នៅប្រាសាទកោះកែ មួយកន្លែង និងនៅលើខ្នងភ្នំគូលែន មួយកន្លែង។ ការថតនោះ គឺនៅតំបន់ខ្នងភ្នំគូលែន បានរកឃើញទីតាំងមួយកន្លែង ដែលគេសង្ស័យថា ជាអតីតព្រះបរមរាជវាំងនៃរាជធានីមហិន្ទ្របព៌ត។

លោក ប៊ុន ណារិទ្ធិ៖ «គេបញ្ជូន ទិន្នន័យហ្នឹងមកខាងអាជ្ញាធរ អប្សរាហើយ ដូច្នេះវាត្រូវការបកស្រាយតទៅទៀត។ ទិន្នន័យហ្នឹង គេថតរូបពីលើអាកាសមក។ អាហ្នឹងការយល់ឃើញរបស់គេថា ច្បាស់ហើយ ប៉ុន្តែយើងត្រូវការតាមដានតទៅទៀតពីអ្វីៗ ការបកស្រាយវាមិនមែនយើងទាន់ជឿថា ១០០% ទេ»។

មន្ត្រីអាជ្ញាធរអប្សរាបានឱ្យដឹងថា បច្ចុប្បន្នរាជរដ្ឋាភិបាលកំពុងរៀបចំបង្កើតក្រុមការងារមួយដើម្បីទៅ ធ្វើការនៅទីនោះ ដើម្បីការពារព្រៃឈើ និងប្រាសាទបូរាណមួយចំនួនដែលគេរុករកឃើញជាបន្តបន្ទាប់។

អ្នកស្រាវជ្រាវបូរាណវិទ្យាមួយក្រុម របស់អង្គការឈ្មោះ មូលនិធិអភិវឌ្ឍន៍បូរាណវិទ្យា ហៅកាត់ជាភាសាអង់គ្លេសថា អេឌីអេហ្វ (ADF) បានឱ្យដឹងថា គេមានអំណះអំណាងមួយចំនួន ដើម្បីបញ្ជាក់ថា ទីតាំងក្រោមដីដែលគេបានរកឃើញនោះ ពិតជាអតីតព្រះបរមរាជវាំងនៃសម័យបុព្វកាល។

អ្នកគ្រប់គ្រងមូលនិធិអភិវឌ្ឍន៍បូរាណ វិទ្យា លោក សឿ ពេជ្រ បានមានប្រសាសន៍ថា អង្គការរបស់លោកតែងធ្វើកំណាយជាច្រើនកន្លែងនៅលើខ្នងភ្នំគូលែន នោះ ចាប់តាំងពីអំឡុងឆ្នាំ២០០៨ មក ហើយកាលពីឆ្នាំ២០១០ គឺក្រុមរបស់លោកបានចូលទៅដល់កន្លែងទីតាំងអតីតព្រះបរមរាជវាំងនោះ ក៏មានការសង្ស័យ ក៏ប៉ុន្តែទោះយ៉ាងណាក្រុមរបស់លោកពុំមានអំណះអំណាងគ្រប់គ្រាន់ ដើម្បីបញ្ជាក់ថា ទីនោះពិតជាអតីតព្រះបរមរាជវាំងទេ។ ទើបតែកាលពីអំឡុងខែមេសា ឆ្នាំ២០១២ គឺក្រុមរបស់លោកបានយកម៉ាស៊ីនថត សេស ទៅថតទិន្នន័យក្រោមដី ហើយអាចបញ្ជាក់ថា ទីនោះគឺពិតជាអតីតរាជធានីមែន។

លោក សឿ ពេជ្រ៖ «យើងរកឃើញផ្លូវ ហៃវេយ៍ (High Way) ២ ដែលខ្វែងគ្នា ហើយចំកណ្ដាលមុខរាជធានី ហើយមួយទៀត អំណះអំណាងពីខាងបូរាណវិទូ រកឃើញកំណាយទាំងអស់ គឺជាវត្ថុប្រើប្រាស់នៅក្នុងព្រះបរមរាជវាំង។ យើងរកឃើញដែរ កម្រាលប្រហែលជា ១ម៉ែត្រ កប់ទៅក្រោមដី គឺក្រាលដោយឥដ្ឋទាំងអស់។ ពួកខ្ញុំមានឯកសារ មានទាំងរូបថតពេលដែលយើងកំណាយហើយ»។

ទោះយ៉ាងណាក្រុមអ្នកស្រាវជ្រាវបាន ឱ្យដឹងថា នៅទីតាំងអតីតព្រះបរមរាជវាំងបូរាណនោះ បច្ចុប្បន្នគឺជាតំបន់ព្រៃក្រាស និងមានគ្រាប់មីនខ្លះៗផង។

អគ្គនាយករងអាជ្ញាធរអប្សរា លោក សឺន គង់ បានមានប្រសាសន៍ថា អតីតរាជធានីមហិន្ទ្របព៌ត នៅលើខ្នងភ្នំគូលែននោះ បានកសាងឡើងដោយព្រះមហាក្សត្រខ្មែរ ព្រះនាម ជ័យវរ្ម័នទី២ នៅក្នុងអំឡុងឆ្នាំ៨០២ នៃគ្រិស្តសករាជ៕ ប្រភពព័ត៌មាន ៖ RFA

Monday, June 10, 2013

ប្រាសាទអាថ៍កំបាំងនៅកណ្តាលព្រៃជ្រៅ ដ៏ចម្លែក មានមន្រ្តី អ្នកប្រាជ្ញ ១០ម៉ឺននាក់ នៅក្នុងប្រាសាទព្រះខ័ន

ប្រាសាទព្រះខ័ន ជាប្រាង្គបា្រសាទបុរាណ ដ៏អច្ឆរិយមួយ ដែលបានកសាងឡើង នៅកន្លែង
ដែលព្រះបានជ័យវរ្ម័នទី៧ ទទួលជោគជ័យ លើការលុកលុយ របស់ចាម ក្នុងឆ្នាំ១១៩១
ដែលមានទីតំាងស្ថិតនៅក្នុងខេត្តសៀមរាប។
ភាពរុងរឿង នៃប្រាសាទនេះ ជាមជ្ឈមណ្ឌល នៃការប្រមូលផ្ដុំ នូវក្រុមមនុស្ស សំខាន់ៗ ជា
ច្រើន ដែលមានមន្ត្រី អ្នកប្រាជ្ញ និង អ្នកបម្រើជិត ១០០,០០០នាក់។ ប្រាសាទនេះ រចនា
ឡើងរាបស្មើ ជាមួយនឹងគម្រោងមូលដ្ឋាន នៃវិចិត្រសាលរាង ជាបួនជ្រុង បន្តបន្ទាប់ ជុំវិញ
បដិសរណដ្ឋាន ព្រះពុទ្ធសាសនា និង ស្មុគស្មាញ ដោយប្រាសាទហិណ្ឌូ។
បច្ចប្បន្ន ប្រាសាទព្រះខ័ន បានក្លាយទៅជា តំបន់ទេសចរណ៍ប្រវត្តិសាស្រ្ត ដ៏ល្បីល្បាញ
ពេញពិភពលោក ជាមួយនឹងស្នាដៃដ៏ល្អប្រណិត របស់ខ្មែរ បានរួបរួម និង សាមគ្គីគ្នាឡើង
បានកសាង ប្រាង្គប្រាសាទដ៏ល្អឥតខ្ចោះ បន្សល់ទុក សំរាប់កូនខ្មែរ និង មនុស្សជាតិទាំង
អស់ បានស្គាល់៕
សូម ទស្សនា រូបភាព ខាងក្រោម!!!

ប្រភព http://www.camnews.com.kh

Monday, June 3, 2013

កំសាន្តជាមួយនឹង ទិដ្ឋភាពដ៏ស្រស់បំព្រង និង អាថ៍កំបាំង នៃប្រាសាទកោះកេរ្តិ៍ ដ៏ចម្លែក

កោះកេរ្តិ៍ ជាប្រាសាទបុរាណដ៏អច្ឆរិយខ្មែរ មានដើមកំណើតតាំងពីយូរឡុងណាស់មកហើយ។
កោះកេរិ៍្ត ក៏ធ្លាប់ជារាជធានីបុរាណដ៏ល្បីល្បាញ របស់ប្រទេសកម្ពុជា ដែលមានទីតាំងស្ថិតនៅ
ក្នុងភូមិស្រយ៉ង់ ឃុំស្រយ៉ង់ ស្រុកគូលេន ចម្ងាយប្រមាណ ៤៩គ.ម ភាគខាងលិចនៃទីរួមខេត្ត
ព្រះវិហារ។
បច្ចុប្បន្ន ប្រាសាទកោះកេរ្តិ៍ បានប្រែក្លាយខ្លួន ជាតំបន់ទេសចរណ៍ប្រវត្តិសាស្រ្ត ដ៏ពេញនិយម
មួយ សំរាប់ភ្ញៀវទេសចរណ៍ជាតិ និង អន្តរជាតិ ជាច្រើន បានមកទស្សនា នូវស្នាដៃ ដ៏ប៉ិនប្រ
សព្វ នៃការកសាងប្រាសាទ ដ៏ល្អឥតខ្ចោះ របស់ខ្មែរ ពីសម័យដើម។
ប្រាសាទនេះ ត្រូវបានសាងសង់ឡើង ដោយព្រះបាទជ័យវរ្ម័នទី៤ (គ.ស ៩២៨-៩៤២) មាន
កម្ពស់ ៣៥ម៉ែត្រ និង រចនាប័ទ្មរបស់វា ប្រហាក់ប្រហែលនឹងចេតិយប្រាំមួយជាន់។ ប្រាសាទ
នេះបែរមុខ ទៅលិច ទៅរកក្រុងអង្គរ។ ប្រាសាទនេះ ត្រូវបានកសាង ដើម្បីគោរពបូជាដល់
ត្រីភូវនេស្វរៈ ជាអាទិទេពផ្តល់នូវសេចក្តីសុខសប្បាយ៕
សូមទស្សនា រូបភាព ខាងក្រោម!!!

ប្រភព http://www.camnews.com.kh

Thursday, May 30, 2013

ទស្សនាអាថ៍កំបាំង ដ៏អច្ឆរិយ ប្លែក ស្រស់ស្អាត ក្នុង ប្រាសាទអង្គរវត្ត

អង្គរវត្ត មានន័យថា "ប្រាសាទក្រុង" ជាប្រាសាទបែបបហិណ្ឌូនិយម កសាងដោយព្រះបាទ
សូរ្យវរ្ម័នទី២ នៅដើមសតវត្សរ៍ទី១២ ជាប្រាសាទ ដែលបានថែរក្សាយ៉ាងល្អឥតខ្ចោះ និង ជា
ប្រាសាទតែមួយគត់ ដែលជាមជ្ឈមណ្ឌលនៃសាសនាយ៉ាងសំខាន់តាំងពី មូលដ្ឋានដំបូង គឺ
ហិណ្ឌូ ឧទ្ទិសថ្វាយព្រះវិស្ណុ    ក្រោយមកថ្វាយពុទ្ធសាសនិក ដែលមានទីតាំងស្ថិតនៅទឹកដី
ខេត្តសៀមរាប។
ប្រាសាទអង្គរវត្ត បច្ចប្បន្នបានក្លាយជាតំបន់ទេសចរណ៍បុរាណវត្ថុមួយដ៏មានតំលៃ និង ល្បី
ល្បាញទូទាំងសកលលោក ដែលបានដាក់បញ្ចូលជាសម្បតិ្តបេតិកភ័ណ្ឌពិភពលោកជាប់ជា
ចំណាត់ថ្នាក់ លេខ ៧ លើពិភពលោក ដោយសារតែស្នាដៃ   ដ៏ល្អប្រណិត របស់ខ្មែរ បាន
បង្កើតជាប្រាង្គប្រាសាទ   ដ៏អច្ឆរិយនេះឡើង ជាមួយនឹងការជ្រើសរើសទីតាំងភូមិសាស្រ្ត ដ៏
ប៉ិនប្រសព្វ បានធ្វើឱ្យទីក្រុងសម័យដើម ដែលធ្លាប់ជាអាណាចក្រខ្មែរ ដ៏រុងរឿងបំផុត ប្រែ
ក្លាយខ្លួន ជាតំបន់ទេសចរណ៍ ដ៏មហិមានៅលើពិភពលោកទំាងមូល៕
សូមទស្សនា រូបភាព ខាងក្រោម!!!

ប្រភព http://www.camnews.com.kh/News/Detail/12683/angkor-wat-temple

តំបន់ទេសចរណ៍ធម្មជាតិ សម្បូរណ៍ដោយព្រៃឈើធំៗ ទឹកជ្រោះកាចាញ

ទឹកជ្រោះកាចាញ ជាតំបន់ទេសចរណ៍ធម្មជាតិ ដ៏ស្រស់បំព្រង ដែលមានទីតាំងស្ថិតនៅ
ឃុំកាចាញ ស្រុកបានលុង មានចម្ងាយ ៦គីឡូម៉ែត្រពីក្រុងបានលុង ខេត្តរតនគិរី។
ទឹកជ្រោះកាចាញ មានកម្ពស់១២ម៉ែត្រ ដែលហូរគ្មានទីបញ្ចប់ តាមបណ្ដោយ អូរកន្ទាង
ទៅទន្លេស្រែពក ក្នុងស្រុកលំផាត់។ តំបន់នេះ សម្បូរណ៍ទៅដោយ ទេសភាពពណ៌
បៃតង ទឹកជ្រោះដ៏ស្រស់ស្អាត និង ម្លប់ឈើដ៏ត្រជាក់ គួរឱ្យចាប់អារម្មណ៍ និង ទាក់ទាញ
បំផុត សំរាប់ភ្ញៀវទេសចរណ៍៕

ភ្ញៀវទេសចរណ៍ជាតិ និង អន្តរជាតិ ចូលចិត្តមកកំសាន្តនៅតំបន់នេះ រីករាយជាមួយនឹង
ការហែលទឹក ស្រូបយកខ្យល់អាកាសបរិសុទ្ធ គយគន់ទេសភាព និង ជិះដំរី៕
សូមទស្សនា រូបភាព ខាងក្រោម!!!

ប្រភព http://www.camnews.com.kh/News/Detail/61048/kachanh-waterfall

តំបន់ទេសចរណ៍ប្រវត្តិសាស្រ្តបុរាណ ដ៏ចំលែក ប្រាសាទ ថ្មអណ្តែត

ប្រាសាទអណ្ដែត ត្រូវបានកសាងឡើងក្នុងរចនាបទ ព្រៃក្មេងដែលមានប៉ម ប្រាសាទឥដ្ឋតែ
មួយប៉ុណ្ណោះ ដែលមានទីតាំងស្ថិតនៅក្នុងខេត្តកំពង់ធំ។
ប្រាសាទនេះ ត្រូវបានកសាងឡើងនៅសតវត្សរ៍ទី៧ ក្នុងរជ្ជកាល ព្រះបាទជ័យវរ្ម័នទី១ស្ថិត
នៅចំកណ្ដាលក្រុមប្រាសាទតោ ដែលតុបតែងយ៉ាងល្អប្រណិត ស្រដៀងគ្នានឹងរចនាបទ
ប្រាសាទបុរាណ ក្នុងរជ្ជកាលព្រះបាទជ័យវរ្ម័នទី២ដែរ នៃអាណាចក្រអង្គរសតវត្សរ៍ទី៩ មាន
សិលាចារឹកក្នុងប្រាសាទសំបូរ (ក្រុមខាងជើង)។
ភ្ញៀវទេសចរណ៍ជាតិ និង អន្តជាតិ ចូលចិត្តមកកំសាន្តនៅតំបន់នេះ រីករាយកំសាន្តជាមួយ
នឹងការដើរទស្សនាប្រាង្គប្រាសាទ ចំលាក់ រចនាបទ សិក្សា និង ស្រាវជា្រវពីប្រវត្តិ នៃប្រាង្គ
ប្រាសាទ៕
សូមទស្សនា រូបភាព ខាងក្រោម!!!

ប្រភព http://www.camnews.com.kh/News/Detail/86049/andet-temple

រមណីយដ្ឋានកូនភ្លោះធម្មជាតិ ដ៏ស្រស់ត្រកាល ភ្នំបាក់ ភ្នំជញ្ជាំង

ភ្នំបាក់ និង ភ្នំជញ្ជាំង ជារមណីដ្ឋានធម្មជាតិ និង វប្បធម៌មួយ ដ៏ស្រស់ត្រកាល ដែលមាន
ទីតាំងនៅក្នុងស្រុកសិរីសោភ័ណ មានចម្ងាយ ៥គីឡូម៉ែត្រ ពីទីរួមខេត្តបន្ទាយមានជ័យ។
ភ្នំបាក់ និង ភ្នំជញ្ជាំង ជាកន្លែងកំសាន្តមួយ ដែលមានភ្នំពីរ នៅជិតគ្នា ដែលមើលទៅមាន
រូបរាង និងមានឈ្មោះដូចជាកូនភ្លោះ មានថ្មធំៗ ជាច្រើនបញ្ឈរ ដូចជាជញ្ជាំង ពោរពេញ
ដោយ បរិយាកាស និង ទិដ្ឋភាពដ៏ល្អប្រណិត។ ចំណែកនៅចន្លោះភ្នំ មានកន្លែងដ៏ស្រស់
ស្អាតមួយ សំរាប់ភ្ញៀវទេសចរណ៍ជាតិ និង អន្តរជាតិសំរាកកំសាន្ត។
ជាពិសេស នៅជើងភ្នំ មានត្រពាំងធំមួយ មានទំហំ ១០ម៉ែត្រការ៉េ ជម្រៅ ១២ម៉ែត្រ និង
រូបចម្លាក់ថ្មបុរាណជាច្រើន បានធ្លាក់ សន្សល់ទុកនៅក្នុងត្រពាំងនោះ តាំងពីសម័យមុន
មកម្ល៉េះ៕
សូមទស្សនា រូបភាព ខាងក្រោម!!!

ប្រភព

ភ្នំហាន់ជ័យ ឬ ភ្នំជ័យគិរី ជាតំបន់ទេសចរណ៍ប្រវត្តិសាស្រ្តមួយ ដ៏ទាក់ទាញ ដែលមាន
ទីតាំងស្ថិតនៅ ប៉ែកខាងកើត ខេត្តកំពង់ចាម។
ភ្នំហាន់ជ័យ ជាតំបន់កំសាន្តប្រាង្គប្រាសាទបុរាណមួយ ដែលមានរចនាបថ តាមបែប
ខ្មែរបុរាណ ដ៏ស្រស់ស្អា និង នៅជុំវិញមាន ភូមិ វត្តអារាម និង ប្រាសាទបុរាណស្អាតៗ
ជាច្រើន។
ភ្ញៀវទេសចរណ៍ជាតិ និង អន្តរជាតិ ចូលចិត្តមកកំសាន្តនៅតំបន់នេះ រីករាយកំសាន្តជា
នឹងការដើរទស្សនា ប្រាង្គប្រាសាទ រចនាបថនៃប្រាសាទ ស្វែងយល់ចំលាក់ និង គយ
គន់ទេសភាពដ៏ស្រស់ត្រកាល នៅជុំវិញប្រាសាទ៕
សូមទស្សនា រូបភាព ខាងក្រោម!!!

ប្រភព http://www.camnews.com.kh/News/Detail/39645/phnom-han-chey

តំបន់ទេសចរណ៍ ដ៏អឆ្ឆរិយៈ ប្លែក ពោរពេញដោយចម្លាក់ ក្រោមបាតទឹក ដ៏ស្រស់ស្អាត ឧទ្យានជាតិភ្នំគូលេន

ឧទ្យានជាតិភ្នំគូលេន ជាតំបន់ទេសចរណ៍ធម្មជាតិ ប្រវត្តិសាស្រ្ត ដ៏អឆ្ឆរិយៈ នៅលើកំពូល
ភ្នំដាច់តែឯងមួយ ដែលមានទីតាំងស្ថិតក្នុងស្រុងស្វាយលើ មានចម្ងាយ៤៨គីឡូម៉ែត្រពីទី
រួមខេត្តសៀមរាប។
ឧទ្យានជាតិភ្នំគូលេន ជាកន្លែងកំសាន្តមួយ ដែលមានកំពូលខ្ពស់បំផុត មានកម្ពស់៤៨៧
ម៉ែត្រ។ តំបន់នេះ ជាតំបន់ទេសចរណ៍ ដ៏ស្រស់ស្អាត ពោរពេញដោយ សម្រស់ធម្មជាតិ
ដ៏ស្រស់បំព្រង មានព្រៃឈើពណ៌បៃតងខៀវស្រងាត់ សត្វបក្សាបក្សីគ្រប់ប្រភេទ ជាមួយ
នឹងរូបចម្លាក់ដ៏ប្រណិត ជាង១០០០ នៃយោនី និង លិង្ហ   ត្រូវឆ្លាក់លើថ្មភក់ បាតស្ទឹង នៅ
ក្រោមបាតទឹក ដ៏ចម្លែកអស្ចារ្យ។
ឧទ្យានជាតិភ្នំគូលេន    ត្រូវបានចាត់ទុកថា ជាកន្លែងកំណើតនៃអាណាចក្រខ្មែរបុរាណ។
អំឡុងពេលសាងសង់ នៃប្រាសាទបុរាណក្នុងសតវត្សរ៍ទី៩ ថ្មភក់ត្រូវបានយកពីភ្នំសក្ការៈ
នេះទៅអង្គរវត្ត។ នៅភ្នំគូលេននេះហើយ ដែលព្រះបាទជ័យវរ្ម័នទី២   ប្រកាសពីឯករាជ្យពី
ជ្វាក្នុងឆ្នាំ៨០២។ បច្ចុប្បន្ន បានក្លាយជាតំបន់ទេសចរណ៍ ដ៏មានប្រជាប្រិយ និងទាក់ទាញ
បំផុត សំរាប់ភ្ញៀវទេសចរណ៍ជាតិ និង អន្តរជាតិ មកទស្សនា៕
សូមទស្សនា រូបភាព ខាងក្រោម!!!

ប្រភព http://www.camnews.com.kh/News/Detail/17946/kulen-mountain-national-park

ទស្សនាតំបន់ដ៏អច្ឆរិយ ដ៏ប្លែក ស្រស់ស្អាត ប្រាសាទ ភ្នំក្រោមទន្លេសាប

ភ្នំក្រោមទន្លេសាប គឺប្រាសាទបុរាណ ដ៏ចំណាស់ និង អច្ឆរិយវត្ថុមួយ ដ៏អស្ចារ្យ ដែលមានទីតាំង
ស្ថិតនៅជិតទន្លេសាប ខេត្តសៀមរាប។
ប្រាសាទភ្នំក្រោមទន្លេសាប ជាតំបន់ទេសចរណ៍មួយ ដែលពោរពេញទៅដោយ បរិយាកាសធម្ម
ជាតិព័ទ្ធជុំ មានទឹក ខ្យល់អាកាសបរិសុទ្ធ ទេសភាពពណ៌បៃតងខៀវស្រងាត់ ដ៏ស្រស់ស្អាត។
ជាពិសេស ប្រវត្តិនៃប្រាង្គប្រាសាទ រូបចម្លាក់ដ៏ប្លែក និង ទាក់ទាញបំផុត សំរាប់ភ្ញៀវទេសចរណ៍
ជាតិ និង អន្តរជាតិ មកទស្សនា។
ភ្ញៀវទេសចរណ៍ជាច្រើន ចូលចិត្តមកកំសាន្តនៅតំបន់នេះ រីករាយជាមួយនឹង ការកំសាន្តដ៏ប្លែក
អារម្មណ៍ ដើរគយគន់ទេសភាព ទស្សនាប្រាសាទ សិក្សាពីប្រវត្តិប្រាសាទ ជិះទូកទស្សនារូប
ភាពប្រាសាទ ពីលើផ្ទៃទឹក៕
សូមទស្សនា រូបភាព ខាងក្រោម!!!

ប្រភព http://www.camnews.com.kh/News/Detail/25478/phnom-krom---tonle-sap-lake

តាំង ឡៃហៀង

Pages

ពាក្យស្លោកខ្មែរ